Limaj për Muratin: Ftoj opozitën parlamentare që t’i bojkotoj punimet e Kuvendit, deri sa të shkarkohet ky ministër që fyen

20:33 | 30 Qershor 2022
Gita

Kreu i partisë Nisma, Fatmir Limaj kërkon nga opozita parlamentare që të bojkotoj të gjitha punimet në Kuvendin e Kosovës.

Ai thotë se ky bojkotim duhet të bëhet nga opozita derisa të shkarkohet Ministri i Financave, Hekuran Murati, shkruan arbresh.info.

Përmes një shkrimi në rrjetet sociale, Limaj thotë se shkarkimi i Muratit duhet të bëhet patjetër pasi sipas tij, është tallur me sakrificën, vuajtjet dhe vlerat e popullit.

“Ftoj opozitën parlamentare që t’i bojkotoj punimet e Kuvendit, deri sa të shkarkohet ky ministër që fyen, ofendon dhe tallet me sakrificën, vuajtjen dhe vlerat e këtij populli mbi të cilat ka ardhur liria dhe është ndërtuar shteti”, ka shkruar Limaj./arbresh.info/